टिपीएस खारेज नहुने,वर्क परमिट स्वत: नवीकरण

4 महिना अगाडी

बाल्टिमोर,अमेरिका,मार्च २८ । अमेरिकामा रहेका कागजपत्रविहीन नेपालीहरुले पाई आएको टेम्पोररी प्रोटेक्टेड स्टाटस (टिपिएस) को सुविधा तत्काल खारेज नहुने भएको छ । अमेरिकी अध्यागमन कार्यालयले बुधवार एक सूचना जारी गर्दै यो सुविधा अर्को सूचना जारी नभएसम्म विस्तार गरिएको जनाएको छ । यस पहिले नेपाल र होन्डूरसलाई प्रदान गर्दै आएको यो अस्थायी सुरक्षाको सुविधा खारेज गर्ने युएससीआइएसले जनाएको थियो । जसका कारण टिपिएस सुविधा लिएका आठ हजार भन्दा बढी नेपालीहरु अब के गर्ने भन्ने अन्यौलमा थिए । तर युएससीआइएसले बुधवार सूचना जारी गर्दै यो अस्थायी सुविधाको अवधि अर्को सूचना जारी नभएसम्म विस्तार हुने र टिपिएसमार्फत अमेरिकामा काम गर्ने अनुमति (वर्क परमिट) लिएकाहरुको वर्क परमिट स्वत: नवीकरण हुने जनाएको छ । जसका कारण टिपिएस सुविधा लिएकाहरुले राहतको महसुस गरेका छन् ।
युएससीआइएसले जारी गरेको सूचनाका अनुसार, अब टिपिएस सुविधा लिएका नेपालीहरुले पनि सुडान,निकारागुवा,हाइटी र एल साल्भाडोरका नागरिकले जस्तै सुविधा पाउनेछन् । जस अनुसार टिपिएस सुविधा लिएकाहरुको वर्क परमिट स्वत:नवीकरण हुनेछ । यस्तै आइ ९४ (आवागमन रेकर्ड) र आइ ७९७ पनि स्वत: नवीकरण हुनेछ । जुन २४ पछि यस्तो वर्क परमिटको अवधि थप नहुने यस अघि उल्लेख थियो । तर अब सोही मितिपछि स्वत: वर्क परमिट नवीकरण हुनेछ भने अन्तिम पटक टिपिएस सुविधाका लागि पुन:दर्ता नगरेका नेपालीहरुले अब पुन:दर्ताका लागि समेत आवेदन दिन पाउने भएका छन् । युएससीआइएसका अनुसार, सन् २०१८ को मे २२ देखि जुलाई २३ सम्म टिपिएस पुन: दर्ता नगरेका नेपाली मूलका टिपिएस सुविधा लिएकाहरुले अब पुन: आवेदन दिन सक्नेछन् । यसका लागि प्रष्ट र उचित कारण भने खुलाउनुपर्नेछ ।
अमेरिकी अध्यागमन कार्यालयले यस पहिले सन् २०१९ को जुन २४ देखि नेपाललाई दिई आएको टिपिएस सुविधा खारेज गर्ने घोषणा गरेका थियो । नेपालमा सन् २०१५ मा गएको महाविनाशकारी भूकम्पपछि मानवीय सहयोग भन्दै अमेरिकाले सन् २०१५ जुन २४ देखि यहाँ रहेका कागजपत्रविहीन नेपालीहरुलाई यो अस्थायी सुरक्षा अनुमति प्रदान गरेको हो । सन् २०१५ को जुन २४ पहिले अमेरिका आएका र सोही मितिदेखि निरन्तर रुपमा यहाँ बस्दै आएका नेपालीहरुले यो सुविधा प्राप्त गरेका छन् ।


Share this with your friends:


थप खबर...

NRN MD New Team

NRN Maryland New Team ...

Teej In Baltimore

Baltimore Teej ...

NJSS Picnic in Baltimore

NJSS Maryland Chapter Picnic ...

Golden Globes 2018

Red Carpet Show Golden Globes 2018 ...

कांग्रेस केन्द्रीय समितिमा जनसम्पर्क समितिको प्रतिनिधित्व गराउँछु

न्यूयोर्क,अमेरिका,सेप्टेम्वर २४ । प्रधानमन्त्री एवं नेपाली कांग्रेसका सभापति शेरबहादुर देउवाले नेपाली...

बाल्टिमोरमा कांग्रेसको क्रियाशील सदस्यता बाँडियो

बाल्टिमोरमा कांग्रेसको क्रियाशील सदस्यता बाँडियो  ...

रक्तदान, जीवनदान

नेपाली जनसम्पर्क समिति,अमेरिकाको लंगआईल्याण्ड च्याप्टरले महामानव वीपी कोईरालाको १०४ औं जन्म जयन्ती वृहत...

Bimalendra Nidhi In USA

Bimalendra Nidhi In USA  ...

Harry Bhandari Won an Election

Harry Won Election Photo Courtesy: Prabin Bhandari ...

देउवाले अर्को रेकर्ड कायम गरे

काठमाण्डौं, भदौ १२ यस पटकको भारत भ्रमणमा प्रधानमन्त्री शेरवहादुर देउवाले के के गरे ? भन्ने विषयमा अहिले चासो र...

Space for Advertisement
Contact info@globenepal.com
Space for Advertisement
Contact info@globenepal.com

Subscribe our Newsletter