कोरोना संक्रमणका कारण न्यूयोर्कमा एक नेपालीको निधन
परिवारका सदस्य समेत संक्रमित,समुदायमा बढ्दो जोखिम

8 दिन अगाडी

बाल्टिमोर,अमेरिका,मार्च २४ । विश्वव्यापी महामारीका रुपमा फैलिएको कोरोना भाइरसको संक्रमणका कारण अमेरिकामा एक नेपालीको निधन भएको छ । न्यूयोर्कमा विगत २० वर्षभन्दा बढी लामो समयदेखि बस्दै आएका अनिल सुब्बाको गएराती उपचारकै क्रममा अस्पतालमा निधन भएको हो । कोरोना संक्रमणका कारण अमेरिकामा निधन हुने सुब्बा पहिलो नेपाली हुन् । हालसम्म विदेशमा रहेका मध्ये दुई जना नेपालीको यही संक्रमणका कारण निधन भैसकेको छ । गत साता लन्डनमा अर्का एक नेपालीको निधन भएको थियो । करीब ५० वर्षीय सुब्बा एकसाता पहिलेदेखि अस्पतालमा उपचाररत थिए । पछिल्लो चार दिनदेखि उनको स्वास्थ्य अवस्था जटील बन्दै गएको थियो । सुब्बाका पारिवारिक मित्र समेत रहेका नेपाली जनसम्पर्क समिति,अमेरिकाका महासचिव मुनिन्द्र नेम्वाङ्गका अनुसार, सुब्बा आफ्नी श्रीमती र तीन छोराछोरीसहित क्वीन्समा बस्दै आएका थिए । समितिका सक्रिय सदस्य समेत रहेका सुब्बामा डाइबिटिज र उच्च रक्तचापको समस्या थियो ।  केही समय होटल व्यवसायमा समेत आवद्ध रहेका सुब्बा पछिल्लो समय उबर चालकको रुपमा कार्यरत थिए ।

यसैबीच दिवंगत सुब्बाका २१ वर्षीय जेठा छोरामा समेत भाइरसको जटिल संक्रमण देखिएको छ । उनी समेत अस्पतालमा उपचाररत छन् भने ११ वर्षीय छोरामा पनि संक्रमणको जोखिम देखिएको जनसम्पर्क समितिका महासचिव नेम्वाङ्गले जनाएका छन् । पुर्ख्यौली नेपालको पाँचथर जिल्लाको कुमायक गाउँपालिका रानीगाउँका सुब्बा एनआरएन अमेरिकाको न्यूयोर्क च्याप्टरको पूर्व समितिमा बिजनेश को अर्डिनेटर समेत थिए । दिवंगत सुब्बा दुई साता पहिले निधन भएका कांग्रेस नेता एवं पूर्वमंत्री पूर्णकुमार शेर्माका भानिज हुन् ।
सुब्बाको निधन भएपछि नेपाली समुदायका अगुवाहरुले दु:ख व्यक्त गर्दै समुदायका आम सदस्यहरुलाई यसको जोखिमबाट सतर्क रहन आवश्यक सावधानी अपनाउन आग्रह गरेका छन् । यसैबीच सुब्बाको दाहसंस्कारलगायत परिवारलाई सहयोग जुटाउन समितिले आवश्यक पहल र सरकारी निकायसंग समन्वय सुरु गरेको समितिका महासचिव नेम्वाङ्गले जानकारी दिएका छन् ।


Share this with your friends:


थप खबर...

NRN MD New Team

NRN Maryland New Team ...

NJSS Picnic in Baltimore

NJSS Maryland Chapter Picnic ...

Teej In Baltimore

Baltimore Teej ...

बाल्टिमोरमा कांग्रेसको क्रियाशील सदस्यता बाँडियो

बाल्टिमोरमा कांग्रेसको क्रियाशील सदस्यता बाँडियो  ...

Golden Globes 2018

Red Carpet Show Golden Globes 2018 ...

कांग्रेस केन्द्रीय समितिमा जनसम्पर्क समितिको प्रतिनिधित्व गराउँछु

न्यूयोर्क,अमेरिका,सेप्टेम्वर २४ । प्रधानमन्त्री एवं नेपाली कांग्रेसका सभापति शेरबहादुर देउवाले नेपाली...

रक्तदान, जीवनदान

नेपाली जनसम्पर्क समिति,अमेरिकाको लंगआईल्याण्ड च्याप्टरले महामानव वीपी कोईरालाको १०४ औं जन्म जयन्ती वृहत...

Harry Bhandari Won an Election

Harry Won Election Photo Courtesy: Prabin Bhandari ...

Bimalendra Nidhi In USA

Bimalendra Nidhi In USA  ...

Felicitation of Anand Bist In Baltimore

कांग्रेसका आमन्त्रित केन्द्रीय सदस्य आनन्द विष्टलाई बाल्टिमोरमा सम्मान  ...

Space for Advertisement
Contact info@globenepal.com
Space for Advertisement
Contact info@globenepal.com

Subscribe our Newsletter